Ahadith

حضرت عائشہؓ کہتی تھیں: میں نے نبی ﷺ کو دیکھا۔ آپؐ نے مجھے پردہ کیا ہوا تھا اور میں حبشیوں کو دیکھتی تھی جب کہ وہ مسجد میں کھیل رہے تھے۔ حضرت عمرؓ نے ان کو ڈانٹا تو نبی ﷺ نے فرمایا: انہیں رہنے دو۔ بنی ارفدہ! امن سے یعنی بے فکر ہو کر کھیلو۔

ہم سے ابوالولید نے بیان کیا، کہا: شعبہ نے ہم سے بیان کیا۔ انہوں نے کہا: عدی بن ثابت نے مجھے بتایا، کہا: میں نے سعید بن جبیر سے سنا کہ حضرت ابن عباسؓ سے مروی ہے: نبی ﷺ عید الفطر کے دن نکلے اور آپؐ نے دو رکعتیں پڑھیں نہ ان سے پہلے نماز پڑھی نہ بعد میں اور آپؐ کے ساتھ حضرت بلالؓ بھی تھے۔