Ahadith

حضرت ابو ایوب انصاری رضی اللہ عنہ سے روایت ہے کہ رسول اللہﷺ نے فرمایاجس شخص نے رمضان کے روزے رکھے اور پھر اس کے بعد شوال کے چھ روزے رکھے تو گویا اس نے سارے سال کے روزے رکھے ہیں۔

سالم اپنے والدرضی اللہ عنہ سے روایت کرتے ہیں کہ انہوں نے بیان کیا ایک شخص نے دیکھا کہ لیلۃ القدر ستائیسویں رات ہے نبیﷺ نے فرمایا میں دیکھتا ہوں کہ تمہاری خوابیں آخری عشرے کے بارہ میں ہیں پس تم اسے اس کی طاق راتوں میں تلاش کرو۔

عقبہ _ جوحریث کے بیٹے ہیں _ سے روایت ہے وہ کہتے ہیں میں نے حضرت عبداللہ بن عمر رضی اللہ عنہما سے سنا۔ وہ کہتے ہیں رسول اللہﷺ نے فرمایا تم اسے آخری عشرہ میں تلاش کروآپؐ کی مراد لیلۃ القدرسے تھی۔ اگر تم میں سے کوئی کمزور ہو جائے یا عاجز رہ جائے توآخری سات راتوں میں ہر گز مغلوب نہ ہوجائے۔

حضرت ابو ہریرہ رضی اللہ عنہ سے روایت ہے کہ رسول اللہﷺ نے فرمایامجھے لیلۃ القدر دکھائی گئی پھر میرے کسی گھر والے نے مجھے جگا دیااور مجھے یہ بھلادی گئی۔ پس تم اسے آخری عشرے میں تلاش کرو ایک اور روایت میں فَنُسّیْتُھَا کی بجائے فَنَسِیْتُھا ہے(میں اسے بھول گیا)۔