Ahadith

حضرت ابو ہریرہؓ بیان کرتے ہیں کہ ہم نبیﷺ کے پاس بیٹھے ہوئے تھے جب آپؐ پر سورۃ جمعہ نازل ہوئی۔ جب آپؐ نے وَآخَرِیْنَ مِنْھُمْ لَمَّا یَلْحَقُوْا بِھِمْ2 پڑھی تو ایک شخص نے عرض کیا یارسولؐ اللہ ! یہ کون لوگ ہیں؟نبیﷺ نے اسے جواب نہ دیا یہانتک کہ اس نے ایک یادو یا تین مرتبہ آپؐ سے پوچھا۔ وہ(حضرت ابو ہریرہؓ ) بیان کرتے ہیں اور ہم میں سلمان فارسیؓ بھی تھے۔ نبیﷺ نے اپنا ہاتھ سلمانؓ فارسی پر رکھا اور فرمایا اگر ایمان ثریا پر بھی ہو تو ان میں سے کچھ جوانمرد اسے پا لیں گے۔