Ahadith

حضرت انس بن مالکؓ سے روایت ہے کہ ایک شخص نے نبیﷺ کے ایک حجرہ میں جھانکا تو نبیﷺ بال کاٹنے کا آلہ لے کر اس کی طرف گئے۔ گویا میں رسول اللہﷺ کو اس کی تلاش میں جاتے دیکھ رہا ہوں تا آپؐ خاموشی سے اس کی طرف جا کر اُسے چبھوئیں۔

حضرت ابو ہریرہؓ سے روایت ہے کہ نبی ﷺ نے فرمایا جو لوگوں کے گھر بغیر ان کی اجازت کے جھانکے تو اُن کے لئے جائز ہے کہ اس کی آنکھ پھوڑ دیں۔

حضرت ابو ہریرہؓ سے روایت ہے کہ رسول اللہ ﷺ نے فرمایا کہ اگر کوئی شخص بغیر اجازت کے تجھے جھانک کر دیکھے اور تو کنکر مار کر اس کی آنکھ پھوڑ دے تو تیرے پر کوئی گناہ نہیں ہے۔

حضرت جریر بن عبداللہؓ کہتے ہیں میں نے رسول اللہ ﷺ سے اچانک نظر پڑنے کے بارہ میں پوچھا تو آپؐ نے مجھے فرمایا کہ میں اپنی نظر ہٹا لوں۔