Ahadith

حضرت عائشہ رضی اللہ عنہا سے روایت ہے وہ کہتی ہیں کہ میں نے رسول اللہ ﷺ کو آپؐ کے احرام کھولتے وقت اور احرام باندھتے ہوئے خوشبو لگائی۔

حضرت عائشہ رضی اللہ عنہا سے روایت ہے وہ کہتی ہیں کہ میں نے حجۃ الوداع کے موقعہ پر رسول اللہﷺ کو آپؐ کے احرام کھولتے وقت اور احرام باندھتے وقت اپنے ہاتھ سے ذریرہ خوشبو لگائی۔

عثمان بن عروہ اپنے والد سے روایت کرتے ہیں کہ میں نے حضرت عائشہ رضی اللہ عنہا سے پوچھا کہ آپ نے احرام باندھتے وقت رسول اللہﷺ کو کونسی خوشبو لگائی؟ انہوں نے کہا سب سے عمدہ خوشبو۔

حضرت عائشہ رضی اللہ عنہا سے روایت ہے وہ کہتی ہیں میں رسول اللہ ﷺ کو احرام باندھنے سے پہلے سب سے عمدہ خوشبو لگاتی جو مجھے ملتی، پھر آپؐ احرام باندھتے۔

حضرت عائشہ رضی اللہ عنہا سے روایت ہے وہ کہتی ہیں میں نے رسول اللہ ﷺ کو احرام باندھتے وقت سب سے عمدہ خوشبو لگا جو میں نے پائی، لگائی اور آپؐ کے احرام کھولنے کے وقت اس سے پہلے کہ آپؐ طواف افاضہ کریں۔

حضرت عائشہ رضی اللہ عنہا سے روایت ہے وہ کہتی ہیں گویا میں اب بھی رسول اللہﷺ کی مانگ میں خوشبو کی چمک دیکھ رہی ہوں اور آپؐ احرام باندھے ہوئے ہیں۔ خلف (راوی) نے یہ نہیں کہا کہ ’’وَھُوَ مُحْرِمٌ‘‘ بلکہ یہ کہا ہے کہ ’’وَذَاکَ طِیْبُ اِحْرَامِہِ‘‘ یہ آپؐ کے احرام کی خوشبو تھی۔

حضرت عائشہ رضی اللہ عنہا سے روایت ہے وہ کہتی ہیں گویا میں اب بھی رسول اللہ ﷺ کی مانگ میں خوشبو کی چمک دیکھ رہی ہوں اور آپؐ تلبیہ کہہ رہے ہیں۔

حضرت عائشہ رضی اللہ عنہا سے روایت ہے وہ کہتی ہیں گویا میں اب بھی رسول اللہ ﷺ کی مانگ میں خوشبو کی چمک دیکھ رہی ہوں اور آپؐ تلبیہ کہہ رہے ہیں۔ ایک اور روایت میں (کَأَنِّیْ اَنْظُرُ کی بجائے) لَکَأَنِّیْ اَنْظُرُ کے الفاظ ہیں۔

حضرت عائشہ رضی اللہ عنہا سے روایت ہے وہ کہتی ہیں گویا میں اب بھی رسول اللہ ﷺ کی مانگ میں خوشبو کی چمک دیکھ رہی ہوں اور آپؐ احرام باندھے ہوئے ہیں۔