Ahadith

حضرت عائشہؓ کہتی تھیں: میں نے نبی صلی اللہ علیہ وسلم کودیکھا۔ آپؐ نے مجھے پردہ کیا ہوا تھا اورمیں حبشیوں کو دیکھتی تھی جب کہ وہ مسجد میں کھیل رہے تھے۔ حضرت عمرؓنے ان کو ڈانٹا تو نبی صلی اللہ علیہ وسلم نے فرمایا: انہیں رہنے دو ۔ بنی ارفدہ ! امن سے یعنی بے فکر ہوکر کھیلو۔

ہم سے ابوالولید نے بیان کیا،کہا:شعبہ نے ہم سے بیان کیا۔ انہوں نے کہا: عدی بن ثابت نے مجھے بتایا، کہا: میں نے سعید بن جبیر سے سنا کہ حضرت ابن عباسؓ سے مروی ہے: نبی صلی اللہ علیہ وسلم عیدالفطر کے دن نکلے اور آپؐ نے دو رکعتیں پڑھیں نہ ان سے پہلے نماز پڑھی نہ بعد میں اور آپؐ کے ساتھ حضرت بلال ؓ بھی تھے۔