Ahadith

۱۹۸ ہم سے ابوالیمان نے بیان کیا، کہا: شعیب نے ہمیں بتلایا۔انہوں نے زہری سے روایت کی ، کہا: عبید اللہ بن عبد اللہ بن عتبہ نے مجھے بتلایا کہ حضرت عائشہ کہتی تھیں : جب نبی ﷺ بیمار ہوئے اور آپ کی بیماری نے آپ پر سخت حملہ کیا تو آپ نے اپنی بیویوں سے اجازت لی کہ میرے گھر میں آپ کی تیمارداری کی جائے۔ تو انہوں نے آپ کو اجازت دی۔ اس پر نبی ﷺ دو آدمیوں کے درمیان سہارا لیتے ہوئے نکلے۔ آپ کے پاؤں زمین پر لکیر ڈال رہے تھے۔ حضرت عباس اور ایک اور شخص کے درمیان۔ عبید اللہ کہتے تھے۔ میں نے حضرت عبداللہ ابن عباس کو یہ بتلایا تو انہوں نے کہا: کیا تم جانتے ہو کہ وہ دوسرا شخص کون ہے؟ میں نے کہا: نہیں۔ کہا: وہ حضرت علی بن ابی طالب) ہیں اور حضرت عائشہ رضی اللہ عنہا بیان کرتی تھیں کہ جب نبی ﷺ کی تکلیف بڑھ گئی اور آپ اپنے گھر میں داخل ہوئے تو آپ نے فرمایا: مجھ پر سات ایسی مشکوں سے پانی انڈیلو کہ جن کے بندھن نہ کھولے گئے ہوں۔ شاید کہ میں لوگوں کو وصیت کرسکوں۔ آپ کو ایک لگن میں بٹھایا گیا جو نبی ﷺ کی بیوی حضرت حفصہ کا تھا۔ پھر ہم آپ پر مشکیں ڈالنے لگے۔ یہاں تک کہ آپ ہم کو اشارہ کرنے لگے کہ بس تم کر چکیں۔ پھر آپ لوگوں کے پاس باہر گئے۔

خالد بن مخلد نے بیان کیا، کہا: سلیمان نے ہم سے بیان کیا، انہوں نے کہا: عمرو بن سکی نے اپنے باپ سے روایت کرتے ہوئے مجھے بتلایا۔ وہ کہتے تھے میرے چچا وضو میں پانی بہت استعمال کرتے تھے اور انہوں نے حضرت عبد اللہ بن زید سے کہا: مجھے بتلائیں کہ آپ نے نبی ﷺ کوکس طرح وضو کرتے دیکھا؟ اس پر انہوں نے پانی کا لگن منگوایا اور اپنے ہاتھوں پر (پانی) انڈیلا اور تین دفعہ (ہاتھ) دھوئے۔ پھر اپنا ہاتھ لگن میں ڈالا اور کلی کی ، ناک صاف کیا۔ ایک ہی چلو سے تین بار (ایسا کیا)۔ پھر اپنے ہاتھ ڈالے ان دونوں سے چلو لیا اور اپنا منہ تین بار دھویا۔ پھر اپنے ہاتھ کہنیوں سمیت دو دو دفعہ دھوئے۔ اس کے بعد اپنے ہاتھوں میں کچھ پانی لیا اور اپنے سر کا مسح کیا۔ (اپنے دونوں ہاتھوں کو ) پیچھے لے گئے اور آگے کو لائے۔ پھر اپنے دونوں پاؤں دھوئے اور کہا کہ اسی طرح میں نے نبی ﷺ کو وضو کرتے دیکھا تھا۔

ہمیں اصبغ بن فرج مصری نے ابن وہب سے روایت کرتے ہوئے بتلایا، کہا: مجھ سے عمرو نے بیان کیا۔انہوں نے کہا: ) ابونضر نے مجھے بتلایا کہ انہوں نے ابوسلمہ بن عبد الرحمان سے، ابوسلمہ نے حضرت عبد اللہ بن عمرؓ سے، حضرت عبد اللہ نے حضرت سعد بن ابی وقاص سے نبی ﷺ کے متعلق بیان کیا کہ آپ نے دونوں موزوں پر سج کیا اور یہ کہ حضرت عبداللہ بن عمرؓ نے حضرت عمر سے اس کے متعلق پوچھا تو انہوں نے کہا: ( یہ بات ) درست ہے۔جب حضرت سعد نبی ﷺ کے متعلق کوئی بات بتا ئیں تو کسی دوسرے سے اس کے متعلق نہ پوچھا کرو اور موسى بن عقبہ نے کہا۔ابونضر نے مجھ سے بیان کیا کہ ابو سلمہ نے ان کو بتلایا کہ حضرت سعد نے (ان سے یہ حدیث بیان کی تو ) حضرت عمر نے حضرت عبد اللہ سے اسی طرح کہا۔

۲۰۳: ہم سے عمرو بن خالد حرانی نے بیان کیا، کہا: لیث نے ہمیں بتلایا۔انہوں نے یحی بن سعید سے، نے سعد بن ابراہیم سے، سعد نے نافع بن جبیر ہے، نافع نے عروہ بن مغیرہ سے، انہوں نے اپنے باپ حضرت مغیرہ بن شعبہ سے رسول اللہ ﷺ کے متعلق روایت کی کہ آپ قضائے حاجت کے لئے باہر گئے تو حضرت مغیرہ ایک ڈول جس میں پانی تھا؟ لے کر آپ کے پیچھے ہو لئے اور جب آپ حاجت سے فارغ ہوئے تو انہوں نے آپ پر پانی ڈالا۔آپ نے وضو کیا اور موزوں پر مسح کیا۔