Ahadith

ہم سے محمد بن یوسف نے بیان کیا، کہا: سفیان نے ہمیں بتلایا۔انہوں نے اعمش سے، اعمش نے سالم بن ابی جعد سے، سالم نے کریب سے، کریب نے حضرت ابن عباس سے، حضرت ابن عباس نے حضرت میمونہ نبی ﷺ کی بیوی سے روایت کی۔وہ کہتی تھیں کہ رسول اللہ ﷺ نے جس طرح آپ اپنی نماز کے لیے وضو کرتے تھے وضو کیا ،مگر پاؤں نہیں ہوئے اور آپ نے اپنی شرم گاہ کو دھویا اور اس آلائش کو بھی جو آپ کو لگ گئی تھی۔اس کے بعد آپ نے اپنے اوپر پانی بہا دیا۔پھر آپ نے دونوں پاؤں کو ایک طرف کر کے ان کو دھویا۔یہ ہے آپ کا غسل جنابت۔

ہم سے عبد اللہ بن محمد نے بیان کیا ، کہا: عبد الصمد نے مجھ سے بیان کیا۔انہوں نے کہا: شعبہ نے مجھے بتلایا۔کہا: ابوبکر بن حفص نے مجھ سے بیان کیا ، کہا: میں نے ابوسلمہ سے سنا۔وہ کہتے تھے : میں اور حضرت عائشہ کا بھائی، حضرت عائشہ کے پاس اندر گئے اور ان کے بھائی نے ان سے نبی ﷺ کے نہانے کے متعلق پوچھا تو حضرت عائشہ نے ایک برتن منگوایا جو تقریباً صاع کے برابر تھا اور وہ نہائیں اور اپنے سر پر پانی ڈالا۔اور ہمارے اور ان کے درمیان پردہ تھا۔ابوعبد الله ( بخاری ) نے کہا کہ یزید بن ہارون اور بہنر اور جدی نے شعبہ سے روایت کرتے ہوئے یہ الفاظ کہے: ایک صاع کے اندازے کے برابر۔

ہم سے عبد اللہ بن محمد نے بیان کیا، کہا: بیچی بن آدم نے ہمیں بتلایا ، انہوں نے کہا ، زہیر نے ہم سے بیان کیا کہ ابو اسحاق سے مروی ہے کہ انہوں نے کہا، ابو جعفر نے ہمیں بتلایا کہ وہ اور ان کے باپ حضرت جابر بن عبد اللہ کے پاس تھے اور ان کے پاس کچھ اور لوگ بھی بیٹھے تھے ، انہوں نے حضرت جاب سے غسل کے متعلق پوچھا تو انہوں نے کہا: ایک صاع (پانی) تمہیں کافی ہے۔ایک شخص بولا : مجھے تو کافی نہیں ہوتا۔حضرت جابر نے کہا: جس کے بال تم سے زیادہ تھے اور جو تم سے بہتر تھا ، اس کو تو کافی ہوا کرتا تھا۔پھر اس نے ایک ہی کپڑے میں ہماری امامت بھی کی۔

ہم سے ابونعیم نے بیان کیا ، کہا: ابن عیینہ نے ہمیں بتلایا۔انہوں نے عمر وسے۔عمرو نے جابر بن زید سے، جابر نے حضرت ابن عباس سے روایت کی کہ نبی صلی اللہ علیہ وسلم اور حضرت میمونہ ایک ہی برتن سے نہایا کرتے تھے۔اور یزید بن ہارون اور بہنبر اور جدی نے شعبہ سے روایت کرتے ہوئے (اس کی مقدار ) ایک صاع بیان کی۔ ابو عبد الله (بخاری) نے کہا: ابن عیینہ اپنی آخری عمر میں یوں روایت کیا کرتے تھے: حضرت ابن عباس سے مروی ہے کہ انہوں نے حضرت میمونہ سے روایت کی۔۔۔۔اور درست وہی ہے جو ابوسیم نے روایت کیا۔

ہم سے ابونعیم نے بیان کیا، کہا: معمر بن بیٹی بن سام نے ہم سے بیان کیا، انہوں نے کہا: ابو جعفر نے مجھ سے بیان کیا۔کہتے تھے : حضرت جابر نے مجھ سے کہا: تمہارے چا کا بیٹا میرے پاس آیا۔حسن بن محمد بن حنفیہ کی طرف اشارہ تھا۔اس نے پوچھا : جنابت کا غسل کس طرح کیا جائے ؟ میں نے کہا: نبی صلی اللہ علیہ وسلم تین چلولیا کرتے تھے اور ان کو اپنے سر پر ڈالتے پھر اپنے سارے جسم پر پانی ڈالتے۔اس پر حسن نے مجھے کہا: میں بہت بالوں والا آدمی ہوں تو میں نے کہا: نبی صلی اللہ علیہ وسلم تجھ سے زیادہ بالوں والے تھے۔

ہم سے موسیٰ بن اسماعیل نے بیان کیا، کہا: عبدالواحد نے ہمیں بتلایا۔انہوں نے اعمش سے۔اعمش نے سالم بن ابی جعد سے۔سالم نے کریب ہے۔کریب نے حضرت ابن عباس سے روایت کی۔وہ کہتے تھے: حضرت میمونہ نے کہا: میں نے نبی صلی اللہ علیہ وسلم کے لیے نہانے کا پانی رکھا تو آپ نے اپنے دونوں ہاتھ دو یا تین دفعہ دھوئے۔پھر آپ نے اپنے بائیں ہاتھ پر پانی ڈالا۔پھر اپنی شرم گاہ ہوئی۔پھر اپنا ہاتھ زمین پر ملا۔پھر کلی کی اور ناک میں پانی لیا اور اپنا منہ اور دونوں ہاتھ دھوئے۔اس کے بعد آپ نے اپنے جسم پر پانی ڈالا پھر اپنی جگہ سے ایک طرف ہو گئے اور اپنے دونوں پاؤں دھوئے۔