Ahadith

حضرت انس بن مالک ؓ نے بیان کیاکہ عرض کیا گیا یا رسول اللہ ﷺ! لوگوں میں سے کون آپؐ کو سب سے زیادہ محبوب ہے ؟ فرمایا عائشہؓ۔ عرض کیا گیا مردوں میں سے کون ؟ فرمایا اس کے ابّا۔

عبد اللہ بن شقیق نے بیان کیا کہ میں نے حضرت عائشہ ؓ سے کہا کہ آپؐ کے صحابہؓ میں سے کون رسول اللہ ﷺ کو زیادہ محبوب تھے۔ حضرت عائشہ ؓ نے فرمایا ابو بکرؓ ۔ میں نے پوچھا پھرکون تو فرمایا عمرؓ۔ میں نے پوچھاپھر کون تو فرمایا ابو عبیدہ ؓ۔

حضرت ابن عباس ؓ نے بیان کیا کہ جب حضرت عمر ؓ نے اسلام قبول کیا تو جبریلؓ نازل ہوئے اور فرمایا اے محمدؐ! عمرؓ کے اسلام قبول کرنے سے آسمان والے خوش ہوئے ۔

حضرت عائشہؓ نے بیان کیاکہ رسول اللہ ﷺ نے فرمایااے اللہ ! خاص طور پر عمر ؓبن خطاب کے ذریعہ اسلام کو عزت عطا فرما ۔

عبد اللہ بن سلمہ نے بیان کیا کہ میں نے حضرت علی ؓ کو فرماتے ہوئے سنا کہ رسول اللہ ﷺ کے بعد لوگوں میں سے سب سے بہتر حضرت ابوبکرؓ ہیں اور حضرت ابو بکر ؓ کے بعد لوگوں میں سے سب سے بہتر حضرت عمر ؓ ہیں ۔

حضرت ابو ذر ؓ نے بیان کیا کہ میں نے رسول اللہ ﷺ کو فرماتے ہوئے سنا اللہ تعالیٰ نے حق کوعمرؓ کی زبان پر رکھ دیا ہے اور وہ حق ہی کہتے ہیں۔

حضرت ابو ہریرہ ؓ سے روایت ہے کہ رسول اللہ ﷺ