Ahadith

حضرت مغیرہ بن شعبہؓ سے روایت ہے کہ ایک عورت نے اپنی سوکن کو خیمہ کے ڈنڈے سے قتل کردیا تو یہ معاملہ رسول اللہﷺ کے پاس لایا گیا۔ آپؐ نے اس کے خاندان پر دیت کا فیصلہ کیا اور وہ (مقتولہ) حاملہ تھی۔ آپؐ نے جنین کے بدلہ میں غلام یا لونڈی کا فیصلہ فرمایا۔ اس عورت کے ایک رشتہ دارنے کہا کیا ایسے(جنین) کی ہم یہ دیت دیں گے جس نے نہ کھایا نہ پیا نہ چیخا کہ اس کی آواز بلند ہوتی۔ ایسے کا تو خون بہا نہیں ہوگا۔ راوی کہتے ہیں کہ آپؐ نے فرمایا یہ قافیہ آرائی تو بدوؤں کی قافیہ آرائی کی طرح ہے۔ ایک اور روایت میں یہ اضافہ ہے کہ اس نے (اس عورت کا حمل) گرادیاتو نبیﷺ کے پاس معاملہ پیش ہوا۔ آپؐ نے اس میں ایک غلام یا لونڈی کے طور پر دیت کا فیصلہ فرمایا اور یہ ذمہ داری اس عورت کے رشتہ داروں پر ڈالی۔ ا س روایت میں دِیَۃَ المَرْأۃِ کے الفاظ نہیں ہیں۔