Ahadith

حضرت ابو ہریرہؓ کہتے ہیں کہ میں نے رسول اللہﷺ کو فرماتے ہوئے سنا اللہ عزوجل فرماتا ہے ابن آدم زمانے کو گالی دیتا ہے اور زمانہ تومیں ہوں۔ رات اور دن میرے ہاتھ میں ہیں۔

حضرت ابو ہریرہؓ سے روایت ہے کہ رسول اللہﷺ نے فرمایا تم میں سے کوئی وائے زمانہ کی بد بختی نہ کہے کیونکہ اللہ ہی زمانہ ہے۔

حضرت ابو ہریرہؓ سے روایت ہے کہ نبیﷺ نے فرمایا زمانہ کو گالی نہ دو کیونکہ اللہ ہی زمانہ ہے۔

حضرت ابو ہریرہؓ سے روایت ہے کہ نبیﷺ نے فرمایا انگور کوکَرْم نہ کہو کیونکہ کَرْم تو مؤمن کا دل ہے۔

حضرت ابو ہریرہؓ سے روایت ہے کہ نبیﷺ نے فرمایا انگورکو کَرْم نہ کہو کیونکہکَرْم تو مردِ مسلم ہے۔

حضرت ابو ہریرہؓ کہتے ہیں رسول اللہﷺ نے فرمایا تم میں سے کوئی (انگور کو)کَرْم نہ کہے کیونکہکَرْم تو مؤمن کا دل ہے۔

ہمام بن منبّہ کہتے ہیں یہ وہ احادیث ہیں جو حضرت ابو ہریرہؓ نے رسول اللہ