Ahadith

حضرت ابو ہریرہؓ بیان کرتے ہیں کہ رسول اللہﷺ نے فرمایا کہ تم میں سے کوئی اپنے بھائی کی طرف ہتھیار سے اشارہ نہ کرے کیونکہ تم میں سے کوئی نہیں جانتا کہ شاید شیطان اس کے ہاتھ کو جھٹکا دے اور وہ آگ کے گڑھے میں جا گرے۔

حضرت ابو ہریرہؓ سے روایت ہے کہ رسول اللہﷺ نے فرمایا کہ ایک شخص رستہ پر چل رہا تھا کہ اس نے رستہ میں ایک کانٹے دار شاخ پائی تو اس نے اسے ہٹا دیا تو اللہ نے اس کی قدر کی اور اسے بخش دیا۔

حضرت ابو ہریرہؓ بیان کرتے ہیں کہ رسول اللہﷺ نے فرمایا کہ ایک شخص رستہ پر پڑی درخت کی شاخ کے پاس سے گزرا تو اس نے کہا اللہ کی قسم میں اسے مسلمانوں (کے رستہ) سے ایک طرف کر دیتا ہوں تاکہ انہیں تکلیف نہ پہنچائے۔ چنانچہ اسے جنت میں داخل کر دیا گیا۔

حضرت ابو ہریرہؓ سے روایت ہے کہ نبی ﷺ نے فرمایا کہ میں نے ایک شخص کو جنت میں اِدھر اُدھر جاتے دیکھا ایک درخت کے کاٹنے کی وجہ سے جو لوگوں کو تکلیف دیتا تھا۔

حضرت ابو ہریرہؓ سے روایت ہے کہ تکلیف دیتا تھا ایک شخص آیا اور اسے کاٹ دیا تو وہ جنت میں داخل ہوگیا۔

حضرت ابو برزہؓ بیان کرتے ہیں کہ میں نے عرض کیا اے اللہ کے نبیؐ مجھے کوئی ایسی بات سکھائیے جس سے میں فائدہ اُٹھاؤں۔ آپؐ نے فرمایا کہ مسلمانوں کے رستہ سے تکلیف دہ چیزوں کو دور کرو۔

حضرت ابو برزہؓ نے بیان کیا کہ میں نے رسول اللہﷺ کی خدمت میں عرض کیا یا رسولؐ اللہ! میں نہیں جانتا ممکن ہے آپ چلے جائیں اور میں آپ کے بعد رہ جاؤں۔ آپؐ مجھے ایسی چیز زاد راہ دیں جس کے ذریعہ اللہ مجھے نفع دے۔ اس پر رسول اللہﷺ نے فرمایا اس اس طرح کرو جسے راوی ابو بکر بھول گئے ہیں اور رستہ سے تکلیف دہ چیز کو دور کرو۔

حضرت عبد اللہؓ سے روایت ہے کہ رسول اللہﷺ نے فرمایا کہ ایک عورت کو ایک بلی کی وجہ سے عذاب دیا گیا جسے اس نے قید کر رکھا تھا۔ یہا ں تک کہ وہ مر گئی اور اس کی وجہ سے وہ عورت آگ میں داخل ہوئی جب اس نے اسے قید کیا ہوا تھا نہ وہ اسے کھانا کھلاتی نہ اسے پانی پلاتی نہ ہی وہ اسے زمین کے کیڑے مکوڑے کھانے کے لئے چھوڑتی۔

حضرت ابن عمرؓ بیان کرتے ہیں کہ رسول اللہﷺ نے فرمایا ایک عورت کو ایک بلی کی وجہ سے عذاب دیا گیا جسے اس نے باندھ دیا تھا۔ نہ تو وہ اسے کھانا کھلاتی نہ ہی اسے چھوڑتی کہ زمین کے کیڑے مکوڑے کھائے۔