Ahadith

حضرت ابن عباسؓ نے بیان کیا کہ جب رسول اللہﷺ کے صاحبزادے حضرت ابراہیمؓ کی وفات ہوئی تو رسول اللہﷺ نے اُن کی نماز جنازہ پڑھی اور فرمایا جنّت میں اس کے لئے دُودھ پلانے والی ہے اور اگر وہ زندہ رہتا تو سچا نبی ہوتا اور اگر وہ زندہ رہتا تو اس کے قبطی ماموں آزاد ہو جاتے اور کبھی کوئی قبطی غلام نہ بنایا جاتا۔

حضرت علیؓ بیان کرتے ہیں کہ جب (آنحضرتﷺ کے صاحبزادے ( حضرت ابراہیمؑ فوت ہوئے تو نبیﷺ نے ان کی والدہ ماریہؓ کو جنازہ تیار کرنے کا پیغام بھیجا۔ چنانچہ انہوں نے صاحبزادہ ابراہیمؑ کو غسل دیا، کفن پہنایا، حضور علیہ السلام اپنے صحابہ ؓ کے ساتھ جنازہ باہر لائے۔ قبرستان میں دفن کیا اور پھر قبر پر ہاتھ رکھ کر فرمایا خدا کی قسم یہ نبی ہے نبی کا بیٹا ہے۔

حضرت علیؓ بیان کرتے ہیں کہ جب نبیﷺ کے صاحبزادے ابراہیمؑ فوت ہوئے تو رسول اللہﷺ نے حضرت علی بن ابی طالبؓ کو ان کی والدہ ماریہؓ کے پاس بھیجا اور وہ ایک بالا خانہ میں تھیں۔ چنانچہ انہوں نے صاحبزادہ ابراہیمؑ کو ایک طشت میں اٹھایا اور اپنے سامنے گھوڑے پر رکھ لیا۔ پھر انہیں لے کر نبیﷺ کے پاس آئے۔ انہیں غسل دیا اور کفن پہنایا اور انہیں لے کر قبرستان گئے اور صحابہ بھی ساتھ تھے۔ قبرستان میں انہیں دفن کیا اور پھر قبر پر ہاتھ رکھ کر فرمایا خدا کی قسم یہ نبی ہے نبی کا بیٹا ہے۔