Ahadith

حضرت علی ؓ نے بیان کیا کہ رسول اللہ ﷺ نے فرمایا مجھ پر جھوٹ نہ بولو، کیوں کہ مجھ پر جھوٹ بولنا آگ میں داخل کرتا ہے۔

حضرت انس بن مالکؓ نے بیان کیا کہ رسول اللہ ﷺ نے فرمایا جس نے مجھ پر جھوٹ بولا _ میرا خیال ہے فرمایا ’’ارادۃً ‘‘ _ وہ اپنا ٹھکانہ آگ میں بنا لے۔

حضرت جابر بن عبد اللہ ؓ نے بیان کیا کہ رسول اللہ ﷺ نے فرمایا جس نے مجھ پر عمدًا جھوٹ بولا وہ اپنا ٹھکانہ آگ میں بنا لے۔

حضرت ابو ہریرہ ؓ نے بیان کیا کہ رسول اللہ ﷺ نے فرمایا جس نے میری طرف کوئی بات منسوب کی جو میں نے نہیں کہی وہ اپنا ٹھکانہ آگ میں بنا لے۔

حضرت ابو قتادہ ؓ نے بیان کیا کہ میں نے رسول اللہ ﷺ کو اس منبر پر فرماتے ہوئے سنا میری طرف سے زیادہ احادیث بیان کرنے سے بچو۔ پس جو میری طرف سے بات بیان کرے وہ حق یا (فرمایا) سچ کہے۔ جس نے میری طرف جھوٹی بات منسوب کی جو میں نے نہیں کہی وہ اپنا ٹھکانہ آگ میں بنائے۔

حضرت عبد اللہ بن زبیر ؓ نے بیان کیا کہ میں نے حضرت زبیر بن عوام ؓ سے پوچھا کیا وجہ ہے کہ میں آپ کو رسول اللہ ﷺ سے حدیث بیان کرتے ہوئے نہیں سنتا جیسا کہ میں حضرت ابن مسعود ؓ اور

حضرت ابو سعید ؓ نے بیان کیا کہ رسول اللہ ﷺ نے فرمایا جس نے مجھ پر ارادۃً جھوٹ بولا وہ اپنا ٹھکانہ آگ میں بنا لے۔

حضرت علیؓ نے بیان فرمایا کہ نبیؐ ﷺ نے فرمایا جس نے میری طرف کوئی حدیث منسوب کی اور وہ جانتا ہے کہ وہ جھوٹ ہے تو وہ دو جھوٹ بولنے والوں میں سے ایک ہے۔

حضرت سمرہ بن جندب ؓ سے روایت ہے کہ نبی ﷺ نے فرمایا جس نے کوئی حدیث میری طرف منسوب کی جس کے بارے میں اُسے علم ہے کہ وہ جھوٹ ہے تو وہ دو جھوٹوں میں سے ایک ہے۔

حضرت علیؓ نے بیان فرمایا کہ نبی ﷺ نے فرمایا جس نے میری طرف منسوب کرکے کوئی حدیث روایت کی اور وہ جانتا ہے کہ وہ جھوٹ ہے تو وہ دو جھوٹ بولنے والوں میں سے ایک ہے۔