Ahadith

حضرت ابو ہریرہؓ نے بیان کیا کہ رسول اللہ ﷺنے فرمایا اہل قباء کے بارے میں آیت نازل ہوئی فِیْہِ رِجَالٌ یُحِبُّوْنَ اَنْ یَتَطَھَّرُوْا وَاللَّہُ یُحِبُّ الْمُطَّھِّرِیْنَ٭(ترجمہ) اس میں ایسے مرد ہیں جو خواہش رکھتے ہیں کہ وہ پاک ہو جائیں اور اللہ پاک بننے والوں سے محبت کرتا ہے۔ راوی کہتے ہیں وہ پانی سے استنجاء کرتے تھے اُن ہی کے بارے میں یہ آیت نازل ہوئی تھی ۔

ابراہیم بن جریر اپنے والد سے روایت کرتے ہیں کہ نبی ﷺ درختوں کے جھنڈمیں داخل ہوئے اور قضائے حاجت کی۔حضرت جریرؓ آپؐ کے پاس پانی کی چھاگل لے کر آئے ،آپؐ نے اس سے صفائی کی اور اپنے ہاتھ کو مٹی سے مَلا ۔

حضرت جابرؓنے بیان کیا کہ ہمیں نبی ﷺ نے ارشاد فرمایا کہ ہم اپنے مشکیزوں کے منہ باندھا کریں اورہم اپنے برتنوں کو ڈھانک کر رکھیں۔

حضرت ابن عباسؓ نے بیا ن کیا کہ رسول اللہ ﷺ اپنے وضوء کا انتظام کسی کے سپرد نہ فرماتے تھے اور نہ ہی صدقہ میں جو آپؐ دیا کرتے تھے اور یہ کام آپؐ خود ہی کر لیا کرتے تھے ۔

حضرت ابو ہریرہؓ سے روایت ہے کہ رسول اللہ ﷺنے فرمایا جب تم میں سے کسی کے برتن میں سے کتا پی لے تووہ اُسے سات بار دھوئے۔

حضرت عبد اللہ بن مغفلؓ سے روایت ہے کہ رسول اللہ

حضرت ابن عمرؓ نے بیان کیا کہ رسول اللہ ﷺ نے فرمایا جب تم میں سے کسی کے برتن میں کتا منہ ڈال دے تو اُسے چاہئے کہ اسے سات بار دھوئے۔