Ahadith

حضرت سہل بن سعدؓ انصاری بیان کرتے ہیں کہ ایک شخص نے رسول اللہﷺ کے (گھر کے) دروازے کے سوراخ سے جھانکا اور رسول اللہﷺ کے پاس ایک سرخارہ تھا جس سے آپؐ اپنے سر میں کنگھی فرما رہے تھے۔ اس پر رسول اللہﷺ نے اس سے فرمایااگر مجھے پتہ ہوتا کہ تودیکھ رہا ہے تو میں تیری آنکھ میں یہ مارتا۔ اللہ نے اجازت لینانظر ہی کی وجہ سے تو رکھاہے۔

حضرت ابو ہریرہؓ سے روایت ہے کہ نبیﷺ نے فرمایا جو لوگوں کے گھر بغیر ان کی اجازت کے جھانکے تو اُن کے لئے جائز ہے کہ اس کی آنکھ پھوڑ دیں۔

حضرت ابو ہریرہؓ سے روایت ہے کہ رسول اللہﷺ نے فرمایا کہ اگر کوئی شخص بغیر اجازت کے تجھے جھانک کردیکھے اور تو کنکر مار کر اس کی آنکھ پھوڑ دے تو تیرے پر کوئی گناہ نہیں ہے۔