Ahadith

حضرت ابو ہریرہؓ بیان کرتے ہیں کہ حضرت ابو القاسمﷺ نے فرمایا کہ جو شخص اپنے بھائی کی طرف ہتھیار سے اشارہ کرتا ہے۔ تو فرشتے اس پر لعنت کرتے ہیں یہانتک کہ وہ اسے چھوڑ دے۔ خواہ وہ اس کا سگا بھائی ہو۔

حضرت ابو ہریرہؓ سے روایت ہے کہ رسول اللہﷺ نے فرمایا کہ ایک شخص رستہ پر چل رہا تھا کہ اس نے رستہ میں ایک کانٹے دار شاخ پائی تو اس نے اسے ہٹا دیا تو اللہ نے اس کی قدر کی اور اسے بخش دیا۔

حضرت ابو ہریرہؓ بیان کرتے ہیں کہ رسول اللہﷺ نے فرمایا کہ ایک شخص رستہ پر پڑی درخت کی شاخ کے پاس سے گزرا تو اس نے کہا اللہ کی قسم میں اسے مسلمانوں (کے رستہ) سے ایک طرف کر دیتا ہوں تاکہ انہیں تکلیف نہ پہنچائے۔ چنانچہ اسے جنت میں داخل کردیا گیا۔

حضرت ابو ہریرہؓ سے روایت ہے کہ نبی

حضرت ابو ہریرہؓ سے روایت ہے کہ تکلیف دیتا تھا ایک شخص آیا اور اسے کاٹ دیا تو وہ جنت میں داخل ہوگیا۔

حضرت ابو برزہؓ بیان کرتے ہیں کہ میں نے عرض کیا اے اللہ کے نبیﷺ مجھے کوئی ایسی بات سکھائیے جس سے میں فائدہ اُٹھاؤں۔ آپؐ نے فرمایا کہ مسلمانوں کے رستہ سے تکلیف دہ چیزوں کو دور کرو۔