Ahadith

حضرت ابن عباس ؓ نے بیان کیا کہ رسول اللہ ﷺ نے فرمایا جب تم نماز کے لئے کھڑے ہو تو اچھی طرح سے وضو کرو اوراپنے ہاتھوں اور پیروں کی انگلیوں کے درمیان پانی ڈالو ۔

عاصم بن لقیط بن صَبْرَہاپنے باپ سے روایت کرتے ہیں انہوں نے بیان کیا کہ رسول اللہ ﷺ نے فرمایاوضو اچھی طرح سے کرو اور انگلیوں کے درمیان خلال کرو ۔

عبید اللہ بن ابو رافع اپنے باپ سے روایت کرتے ہیں کہ رسول اللہ ﷺ جب وضو کرتے تواپنی انگوٹھی کوحرکت دیتے تھے ٭ ۔

حضرت عائشہؓ سے روایت ہے کہ رسول اللہ

حضرت ابو ہریرہؓ سے روایت ہے کہ نبی ﷺ نے فرمایا ایڑیوں کے لئے آگ کے عذاب کا خطرہ ہے ۔

حضرت جابر بن عبد اللہؓ نے بیان کیا کہ میں نے رسول اللہ ﷺکو فرماتے ہوئے سنا ہے ایڑیوں کے لئے آگ سے ہلاکت کا خطرہ ہے ۔

اَبو حَیَّۃنے بیان کیاکہ میں نے حضرت علیؓ کو دیکھا انہوں نے وضو کیا اور اپنے دونوں پاؤں ٹخنوں تک دھوئے ، پھر فرمایا میں نے چاہا کہ تم کو تمہارے نبی ﷺ کا وضو دکھاؤں ۔