Ahadith

حضرت ابوہریرہ ؓ سے روایت ہے کہ انصارؓ کے ایک آدمی نے رسول اللہ ﷺ کی خدمت میں پیغام بھیجا کہ تشریف لائیے اور میرے گھر میں نماز کے لئے جگہ معین کردیجئے ۔ میں اس میں نماز پڑھا کروں گا ۔ یہ واقعہ ان کے نابینا ہونے کے بعد کا ہے۔ آپ ؐ تشریف لائے اورآپؐ نے ایسا ہی کیا ۔

حضرت ابو سعید خدریؓ نے بیان کیا کہ رسول اللہ ﷺنے فرمایا جس نے مسجد سے کسی تکلیف دہ چیز کو نکالا اللہ تعالیٰ اُس کے لئے جنت میں گھر بنائے گا ۔

حضرت عائشہ ؓ بیان فرماتی ہیں رسول اللہ ﷺ نے ارشاد فرمایا کہ گھروں میں مساجد بنائی جائیں اور یہ کہ اُن کو پاک صاف اور خوشبودار رکھا جائے۔

حضرت عائشہ ؓ نے بیان فرمایا کہ رسول اللہ ﷺ نے ارشاد فرمایاگھروں میں مسجد یں بنائی جائیں اور اُن کو پاک صاف اور خوشبودارکیا جائے۔

حضرت ابو سعید خدریؓ نے بیان کیا کہ مساجد میں سب سے پہلے جس نے چراغ جلایا وہ حضرت تمیم داری ؓتھے ۔

حضرت انسؓ سے روایت ہے کہ نبی ﷺ نے مسجد میں سامنے کے رُخ تھوک دیکھا۔آپؐ شدید ناراض ہوئے یہاں تک کہ آپؐ کا چہرہ سرخ ہوگیا ۔ انصارؓ میں سے ایک عورت آپؐ کے پاس آئی، اُس نے اُس کو رگڑا اور اس کی جگہ خوشبو لگادی۔ آپؐ نے فرمایایہ کیا ہی اچھا ہے ۔

حضرت عائشہ ؓسے روایت ہے کہ نبی ﷺنے مسجد میں سامنے کے رُخ تھوک رگڑ کر صاف کردیا ۔