Ahadith

محمد بن عبد اللہ بن زید اپنے والد سے روایت کرتے ہیں انہوں نے بیان کیا کہ رسول اللہ ﷺ نے (نماز کے بلانے کے لئے) بگل کا سوچا، پھر ناقوس کا ارشاد فرمایا، پس وہ تراشا گیا۔ پھر حضرت عبد اللہؓ بن زید کو خواب دکھائی گئی انہوں نے بتایا میں نے خواب میں ایک آدمی دیکھا۔ اُس پر دو سبز کپڑے تھے اور وہ آدمی ناقوس اٹھائے ہوئے تھا۔ میں نے اُس کو (خواب میں ہی) کہا اے اللہ کے بندے تم یہ ناقوس فروخت کرو گے؟ اُس نے کہا تم اس سے کیا کرو گے؟ میں نے کہا کہ میں اس کے ذریعہ نماز کیلئے بلایا کروں گا۔ اُس نے کہا کیا میں تجھے اس سے بہتر طریق نہ بتاؤں؟ میں نے کہا وہ کیا ہے؟ اس نے کہا تو کہ اللَّہُ أَکْبَرُ اللَّہُ أَکْبَرُ اللَّہُ أَکْبَرُ اللَّہُ أَکْبَرُ أَشْہَدُ أَنْ لاَّ إِلَہَ إِلَّا اللَّہُ أَشْہَدُ أَنْ لَّا إِلَہَ إِلَّا اللَّہُ أَشْہَدُ أَنَّ مُحَمَّدًا رَّسُولُ اللَّہِ أَشْہَدُ أَنَّ مُحَمَّدًا رَّسُولُ اللَّہ حَیَّ عَلَی الصَّلَاۃِ حَیَّ عَلَی الصَّلَاۃ حَیَّ عَلَی الْفَلَاحِ حَیَّ عَلَی الْفَلَاحِ اللَّہُ أَکْبَرُ اللَّہُ أَکْبَرُ لَا إِلَہَ إِلَّا اللَّہُ (ترجمہ) اللہ سب سے بڑا ہے، اللہ سب سے بڑا ہے، اللہ سب سے بڑا ہے، اللہ سب سے بڑا ہے، میں گواہی دیتا ہوں کہ اللہ کے سوا کوئی عبادت کے لائق نہیں، میں گواہی دیتا ہوں کہ اللہ کے سوا کوئی عبادت کے لائق نہیں۔ میں گواہی دیتا ہوں کہ محمدؐ اللہ کے رسول ہیں، میں گواہی دیتا ہوں کہ محمدؐ اللہ کے رسول ہیں۔ نماز کی طرف آؤ، نماز کی طرف آؤ۔ کامیابی کی طرف آؤ، کامیابی کی طرف آؤ۔ اللہ سب سے بڑا ہے، اللہ سب سے بڑا ہے۔ اللہ کے سوا کوئی عبادت کے لائق نہیں۔ راوی کہتے ہیں حضرت عبد اللہؓ بن زید نکلے اور وہ رسول اللہ ﷺ کے پاس آئے اور حضور ﷺ کو اپنی رؤیا بتائی۔ انہوں نے عرض کیا یارسولؐ اللہ! میں نے (خواب میں) ایک آدمی دیکھا اُس پر دو سبز کپڑے تھے وہ ناقوس اٹھائے ہوئے تھا۔ پھر ساری بات آپؐ کے سامنے بیان کی۔ رسول اللہ ﷺ نے (صحابہؓ سے) فرمایا تمہارے دوست نے رؤیا دیکھی ہے (پھر عبد اللہ بن زیدؓ کو ارشاد فرمایا) تم بلالؓ کے ساتھ مسجد جاؤ اور اُسے یہ (کلمات) بتاتے جاؤ اور وہ ان کو بلند آواز سے پکاریں کیونکہ تمہاری نسبت وہ زیادہ بلند آواز والے ہیں۔ انہوں (حضرت عبد اللہ بن زیدؓ) نے کہا کہ میں بلالؓ کے ساتھ مسجد کی طرف گیا اور میں انہیں یہ (کلمات) بتاتا جاتا اور وہ انہیں بلند آواز کے ساتھ پکارتے جاتے۔ حضرت عمر بن خطابؓ نے یہ آواز سنی۔ وہ باہر تشریف لائے اور انہوں نے عرض کیا یارسولؐ اللہ! خدا کی قسم میں نے بھی خواب میں وہی دیکھا جو اُنہوں نے دیکھا۔ (راوی) اَبُوعُبَید نے کہا مجھے (راوی) ابو بکر

سالم اپنے والد سے روایت کرتے ہیں کہ نبی ﷺ نے نماز کے لئے جو فکر درپیش تھی اس بارہ میں لوگوں سے مشورہ کیا تو انہوں نے بوق کا ذکر کیا۔ آپؐ نے اُسے یہود کی وجہ سے ناپسند کیا ، پھر انہوں نے ناقوس کا ذکر کیا ، اُسے آپؐ نے عیسائیوں کی وجہ سے ناپسند کیا۔ پس اُسی رات اذان خواب میں ایک انصاریؓ آدمی کو دکھائی گئی جو عبد اللہؓ بن زید کہلاتے تھے اور حضرت عمر بن خطابؓ کو بھی۔ انصاری تو رات کو ہی رسول اللہ ﷺ کی خدمت میں گئے۔ رسول اللہ ﷺ نے بلالؓ کو اس کا حکم دیا۔ اُنہوں نے اذان دی۔ (راوی) زہری نے کہا کہ حضرت بلالؓ نے نماز فجر کی اذان میں اَلصَّلَاۃُ خَیْرٌ مِّنَ النَّوْم _ نماز نیند سے بہتر ہے _ کا اضافہ کردیا۔ رسول اللہ ﷺ نے بھی اسے قائم رکھا۔ حضرت عمرؓ نے عرض کیا یا رسولؐ اللہ ! میں نے بھی خواب میں اسی شخص کی طرح دیکھا ہاں مگر وہ مجھ سے سبقت لے گیا۔

عبد اللہ بن مُحَیْرِیز سے روایت ہے، وہ حضرت ابو محذورہ بن مِعْیَر ؓ کی کفالت میں پلنے والے یتیم تھے۔ جب حضرت ابو محذورہ ؓ نے ان (عبد اللہ بن مُحَیْرِیز کو شام کی طرف روانہ کرنے کے لئے تیاری کی تو میں (عبداللہ بن مُحَیْرِیز) نے حضرت ابو محذورہؓ سے کہا اے میرے چچا! میں شام کی طرف روانہ ہو رہا ہوں۔ مجھ سے آپ کی اذان کے بارہ میں سوال کیا جائے گا۔ _ انہوں نے مجھے بتایا کہ _ حضرت ابو محذورہ ؓ نے بیان کیا کہ میں کچھ لوگوں کے ساتھ نکلا اور ہم راستہ میں تھے کہ رسول اللہ ﷺ کے مؤذن نے رسول اللہ ﷺ کے پاس نماز کے لئے اذان دی ہم نے مؤذن کی آواز سنی۔ اس وقت ہم آپؐ سے اعراض کرنے والے تھے۔ پس ہم چیخ چیخ کر اس کی نقل کرنے لگے اور ہم اس کا مذاق اُڑاتے تھے۔ رسول اللہ ﷺ نے سنا اور آپؐ نے ہمیں بلانے کے لئے چند آدمیوں کو بھیجا۔ انہوں نے ہمیں آپؐ کے سامنے بٹھا دیا۔ آپؐ نے دریافت فرمایا میں نے تم میں سے کس کی آواز کو سُنا جو بلند ہوئی۔ سب لوگوں نے میری طرف اشارہ کیا اور انہوں نے سچ ہی کہا تھا۔ آپؐ نے ان سب کو بھیج دیا اور مجھے روک لیا اور مجھ سے فرمایا کھڑے ہو جاؤ اور اذان دو، پس میں کھڑا ہوا اُس وقت مجھے رسول اللہ ﷺ اور جس کا آپ مجھے حکم دے رہے تھے اُس سے زیادہ ناپسند اور کوئی چیز نہیں تھی۔ میں آپؐ کے سامنے کھڑا ہوا اور رسول اللہ ﷺ خود اذان (کے کلمات) مجھے بتانے لگے۔ فرمایا تم کہو اَللَّہُ أَکْبَر اَللَّہُ أَکْبَر اَللَّہُ أَکْبَر اَللَّہُ أَکْبَر أَشْہَدُ أَنْ لَّا إِلَہَ إِلَّا اللَّہ أَشْہَدُ أَنْ لَّا إِلَہَ إِلَّا اللَّہ أَشْہَدُ أَنَّ مُحَمَّدًا رَّسُولُ اللَّہ أَشْہَدُ أَنَّ مُحَمَّدًا رَّسُولُ اللَّہ (ترجمہ) اللہ سب سے بڑا ہے اللہ سب سے بڑا ہے، اللہ سب سے بڑا ہے، اللہ سب سے بڑا ہے میں گواہی دیتا ہوں کہ اللہ کے سوا کوئی عبادت کے لائق نہیں، میں گواہی دیتا ہوں کہ اللہ کے سوا کوئی عبادت کے لائق نہیں۔ میں گواہی دیتا ہوں کہ محمدؐ اللہ کے رسول ہیں۔ میں گواہی دیتا ہوں کہ محمدؐ اللہ کے رسول ہیں _ پھر مجھ سے فرمایا اپنی آواز (اور) بلند کرو (اور کہو ) _ أَشْہَدُ أَنْ لَّا إِلَہَ إِلَّا اللَّہ أَشْہَدُ أَنْ لَّا إِلَہَ إِلَّا اللَّہ أَشْہَدُ أَنَّ مُحَمَّدًا رَّسُولُ اللَّہ أَشْہَدُ أَنَّ مُحَمَّدًا رَّسُولُ اللَّہ حَیَّ عَلَی الصَّلَاۃ حَیَّ عَلَی الصَّلَاۃ حَیَّ عَلَی الْفَلَاح حَیَّ عَلَی الْفَلَاح اللَّہُ أَکْبَر اللَّہُ أَکْبَر لَا إِلَہَ إِلَّا اللَّہُ (ترجمہ) میں گواہی دیتا ہوں کہ اللہ کے سوا کوئی عبادت کے لائق نہیں۔ میں گواہی دیتا ہوں کہ اللہ کے سوا کوئی عبادت کے لائق نہیں۔ میں گواہی دیتا ہوں کہ محمدؐ اللہ کے رسول ہیں۔ میں گواہی دیتا ہوں کہ محمدؐ اللہ کے رسول ہیں۔ نماز کی طرف

حضرت ابو مَحذُورہؓ نے بیان کیا کہ رسول اللہ ﷺ نے مجھے اذان سکھائی انیس 19 کلمات اور اقامت (سکھائی) سترہ 17 کلمات۔ اذان (یہ ہے) اَللَّہُ أَکْبَر اَللَّہُ أَکْبَر اَللَّہُ أَکْبَر اَللَّہُ أَکْبَر أَشْہَدُ أَنْ لَّا إِلَہَ إِلَّا اللَّہ أَشْہَدُ أَنْ لَّا إِلَہَ إِلَّا اللَّہ أَشْہَدُ أَنَّ مُحَمَّدًا رَّسُولُ اللَّہ أَشْہَدُ أَنَّ مُحَمَّدًا رَّسُولُ اللَّہ أَشْہَدُ أَنْ لَّا إِلَہَ إِلَّا اللَّہ أَشْہَدُ أَنْ لَّا إِلَہَ إِلَّا اللَّہ أَشْہَدُ أَنَّ مُحَمَّدًا رَّسُولُ اللَّہ أَشْہَدُ أَنَّ مُحَمَّدًا رَّسُولُ اللَّہ حَیََّّ عَلَی الصَّلَاۃ حَیََّّ عَلَی الصَّلَاۃ حَیَّ عَلَی الْفَلَاح حَیَّ عَلَی الْفَلَاح اللَّہُ أَکْبَر اللَّہُ أَکْبَر لَا إِلَہَ إِلَّا اللَّہُ (ترجمہ) اللہ سب سے بڑا ہے، اللہ سب سے بڑا ہے، اللہ سب سے بڑا ہے، اللہ سب سے بڑا ہے۔ میں گواہی دیتا ہوں کہ اللہ کے سوا کوئی عبادت کے لائق نہیں۔ میں گواہی دیتا ہوں کہ اللہ کے سوا کوئی عبادت کے لائق نہیں۔ میں گواہی دیتا ہوں کہ محمدؐ اللہ کے رسول ہیں۔ میں گواہی دیتا ہوں کہ محمدؐ اللہ کے رسول ہیں۔ میں گواہی دیتا ہوں کہ اللہ کے سوا کوئی عبادت کے لائق نہیں۔ میں گواہی دیتا ہوں کہ اللہ کے سوا کوئی عبادت کے لائق نہیں۔ میں گواہی دیتا ہوں کہ محمدؐ اللہ کے رسول ہیں۔ میں گواہی دیتا ہوں کہ محمدؐ اللہ کے رسول ہیں۔ نماز کیلئے آؤ، نماز کیلئے آؤ۔ کامیابی کی طرف آؤ، کامیابی کی طرف آؤ۔ اللہ سب سے بڑا ہے، اللہ سب سے بڑا ہے۔ اللہ کے سوا کوئی عبادت کے لائق نہیں۔ اور اقامت کے سترہ کلمات اَللَّہُ أَکْبَر اَللَّہُ أَکْبَر اَللَّہُ أَکْبَر اَللَّہُ أَکْبَر۔ أَشْہَدُ أَنْ لَّا إِلَہَ إِلَّا اللَّہ۔ أَشْہَدُ أَنْ لَّا إِلَہَ إِلَّا اللَّہ۔ أَشْہَدُ أَنَّ مُحَمَّدًا رَّسُولُ اللَّہ أَشْہَدُ أَنَّ مُحَمَّدًا رَّسُولُ اللَّہ۔ حَیََّّ عَلَی الصَّلَاۃِ حَیََّّ عَلَی الصَّلَاۃِ۔ حَیَّ عَلَی الْفَلَاحِ حَیَّ عَلَی الْفَلَاحِ۔ قَدْ قَامَتِ الصَّلاۃُ قَدْ قَامَتِ الصَّلاۃُ۔ اللَّہُ أَکْبَرُ اللَّہُ أَکْبَرُ۔ لَا إِلَہَ إِلَّا اللَّہُ

رسول اللہ ﷺ کے مؤذن حضرت سعدؓ (بن عائذ) سے روایت ہے کہ رسول اللہ ﷺ نے بلالؓ کو ارشاد فرمایا کہ وہ اپنی دونوں انگلیاں (اذان کہنے کے وقت) اپنے دونوں کانوں میں ڈالیں اور فرمایا یہ تمہاری آواز کو زیادہ بلند کرنے والا ہے۔

عون بن ابو جحیفہ اپنے والد سے روایت کرتے ہیں انہوں نے کہا کہ میں رسول اللہ ﷺ کے پاس أبطح میں جبکہ آپؐ سُرخ رنگ کے خیمہ میں تھے آیا۔ حضرت بلالؓ نکلے اور اذان دی اور اپنی اذان میں رُخ پھیرا اور اپنی دونوں انگلیاں اپنے دونوں کانوں میں ڈالیں۔

حضرت ابن عمرؓ نے بیان کیا کہ رسول اللہ ﷺ نے فرمایا مسلمانوں کے مؤذنوں کی گردنوں سے دو باتیں وابستہ ہیں۔ اُن کی نماز اور اُن کے روزے۔

حضرت جابر بن سمرہؓ نے بیان کیا کہ حضرت بلالؓ اذان کے وقت میں تاخیر نہ کرتے تھے، ہاں کبھی اقامت میں کچھ دیر کر دیتے تھے۔

حضرت عثمان بن ابی العاص ؓ نے بیان کیا کہ نبی ﷺ نے جو آخری تاکیدی حکم مجھے دیا وہ یہ تھا کہ میں مؤذن مقرر نہ کروں جو اذان پر معاوضہ لے۔

حضرت بلالؓ نے بیان کیا کہ مجھے رسول اللہ ﷺ نے ارشاد فرمایا کہ فجر میں تثویب کروں اور آپؐ نے مجھے منع فرمایا کہ میں عشاء میں تثویب کروں۔